Joe & The Shitboys vann Sement 2021

Tað gjørdist bólkurin Joe & The Shitboys, sum vann tónleikakappingina Sement 2021, sum endaði í gjárkvøldið.

Bólkurin spælir harðan punk/rokk-tónleik, og flestur sangirnir eru lítið meira enn ein minutt til longdar, onkur bara ein hálvan.

Nummar tvey gjørdist bólkurin Tina, meðan High Noon vann 3. plássið. 

Hinir bólkarnir í finaluni vóru Brimhvítt, Dóttir og Marius DC.

Tónleikakappingin byrjaði 17. apríl, og var skipað við fleiri undanumførum, har bólkar og einstaklingar spældu seg víðari í kappingini.

Undanumførini og finalan í gjárkvøldið hava øll verið á Reinsarínum í Havn.