MEGD stúrir fyri pedagogverkfalli

Felagið, MEGD, stúrir fyri, at pedagogarnir í Føroyum fara í verkfall, nú Semingsstovnurin er boðsendur í samráðingunum millum Pedagogfelagið og Lønardeildina.

Tað ger MEGD hóast formaðurin í Pedagogfelagnum í gjár segði við útvarpið, at stríðsstig verða ikki tikin, so leingi sáttmálin er galdandi.

– Eingin trygd er fyri teimum túsundtals limunum hjá okkum, endar tað við, at pedagogarnir í Føroyum fara í verkfall, sigur Tóra við Keldu, forkvinna.

Umleið 4.000 limir eru í teimum 24 limafeløgunum í MEGD, sum við støði í ST-sáttmálanum arbeiðir fyri, at fólk, sum bera brek, fáa javnrættindi í samfelagnum.