- Tíðindi, mentan og ítróttur
Javni hátíðarheldur hálva øld
Leikluturin hjá Javna hevur verið og er framvegis at trýsa á fyri at fáa viðurskiftini hjá fólki við menningartarni broytt. Tað sigur Fía Petersen, forkvinna í Javna, sum í dag hátíðarheldur sín 50 ára stovningardag.
-Eitt stórt frambrot er, at fólk við menningartarni nú eisini kunnu fara á miðnám, sigur Fía Petersen.
Hóast Javni hevur 50 ár á baki, so er nógv eftir at arbeiða við.
-Ein stór avbjóðing er tørvurin á bústøðum, eisini fyri fólk við menningartarni. Ein onnur avbjóðing er vaksandi tørvurin á starvsfólki at hjálpa teimum, ið ikki klára seg sjálvi, sigur Fía Petersen.
Samanumtikið heldur forkvinnan í Javna, at felagið farnu hálvu øldina hevur verið eitt virki felag, ið hevur verið við til at flyta nógvar leikir fyri fólk við menningartarni.
Rundi dagurin verður hátíðarhildin við stórum tiltaki á Vaglinum í Havn
Tiltakið byrjar klokkan 14 við skrúðgongu frá Javna skrivstovuni oman á Vaglið. Ballónir og klapparar verða deildir út frá skrivstovuni, hornorkestur og íspeglar eru við í gonguni. Klokkan 15 eru røður frá Javna, "Spyr Meg" og løgmanni. Og aftaná er kaffi, kaka og livandi tónleikur á Vaglinum í Havn.
Tak niður