Kommunurnar megna ikki at lyfta útoyggjunum

Vit ynskja valdið aftur.

Tað er yvirskriftin í einari grein í nýggjastu útgávuni av blaðnum Glóðin, sum Útoyggjafelagið gevur út.

Í greinini verður víst á, at fleiri útoyggjabúgvar eru ónøgdir við hvussu lítla ávirkan tey hava á lokala samfelagið, aftaná at tær gomlu kommunurnar hava lagt saman við størri kommunur. 

Og sambært Olgu Biskopstø, samskipara hjá Útoyggjafelagnum, er talan um eina vaksandi ónøgd.