Fakfeløgini samd um stríðsstig

Ein samlað fakfelagsrørsla ger nú klárt til stríðsstig, til tess at mótmæla ætlanini hjá Helga Abrahamsen, landsstýrismanni í arbeiðsmarknaðarmálum, at lóggeva undantøk í Almannaverkinum, tá verkfall er.

Tað er greitt, eftir at umboð fyri fakfeløgini hava verið á fundi í Smæruni í morgun at viðgera støðuna.

Sigmar Bláberg hitti Súna Selfoss, formann í Starvsfelagnum, og Óluvu í Gong, forkvinnu í Felagnum Føroyskir Sjúkrarøktarfrøðingar, tá fundurin var lokin stutt fyri døgurða.