Havnar Bio vil ikki hava Faroe Pride á gátt

Havnar Bio hevði gjørt avtalu við filmfestivalin FIMFF, Faroe Islands International Minority Film Festival, um at vísa fimm filmar um minnilutar, har millum eisini onkran um sexuellar minnilutar.

Men brádliga vildi Havnar Bio ikki vísa filmarnar og steðgaði øllum samstarvi við FIMFF, sigur Siri Súsonnudóttir Hansen, sum er ein av fyriskiparunum.

Jógvan Kruse, nevndarformaður í Havnar Bio, vísir á, at Havnar Bio vil gjarna vísa minniluta-filmarnar hjá FIMFF, eisini teir, ið snúgva seg um sexuellar minnilutar. Men Havnar Bio ynskir ikki at vera partur av Faroe Pride tiltakinum.

HOYR SAMRØÐUNA VIÐ JÓGVAN KRUSE, NEVNDARFORMANN Í HAVNAR BIO.