- Tíðindi, mentan og ítróttur
Føroya Tele-stjórin: "Vórðu ikki trýst at velja Ericsson"
Ericsson verður veitari av 5g-netinum hjá Føroya Tele.'
Tað varð kunngjørt á tíðindafundi í dag.
Harvið er eitt eldfimt politiskt mál eisini loyst, tí 5g-netið hjá Føroya Tele bleiv í 2019 eitt trygdarpolitiskt stórmál, sum gjørdi, at Føroyar og landsstýrið brádliga kom í kløtur millum Kina øðrumegin og USA og Danmark hinumegin.
USA ákærdi Kina fyri at brúka Huawei til at njósnast móti vesturheiminum, meðan Kina legði trýst á sjálv eitt lítið land sum Føroya fyri at fáa landið at velja Huawei-tøkni til 5g-netið.
Og amerikanska sendikvinnan í Danmark, Carla Sands, lat ongan iva vera um, at tað kundi fáa avleiðingar fyri Føroyar, um føroya tele valdi Huawei sum veitara av sínum 5g-neti, tá hon vitjaði í Føroyum í juli í fjør.
Bylgjurnar gingu høgt í bæði landsstýrinum og á Føroya Tele, men nú er stormurin hæsaður av, tí tað verður Ericsson, og ikki Huawei, sum verður veitari av 5g-netinum hjá Føroya tele.
Tak niður
Sí eisini