Vænta stjórnarskifti í Noregi

Nógv bendir á, at stjórnarskifti verður í Noregi eftir stórtingsvalið um eina góða viku.

Borgarliga stjórnin hjá Ernu Solberg, forsætisráðharra, sum hevur sitið tvey valskeið, missir undirtøku, og eru veljarakanningarnar eftirfarandi, verður formaðurin í Arbeiðaraflokkinum, Jonas Gahr Støre, nýggjur forsætisráðharri.

Nógvir innanhýsis trupulleikar hava verið í Arbeiðaraflokkinum seinastu árini, men teir eru loystir, og samstundis er eitt nýtt ættarlið á veg inn í flokkin.

Jonas Gahr Støre ætlar at skipa stjórn saman við Sosialistiska fólkaflokkinum og Sentrumsflokkinum, og í løtuni bendir nógv á, at teir tríggir flokkarnir fáa meiriluta í stórtinginum, sigur Jógvan Hugo Gardar, tíðindamaður í Oslo.

Stórtingsvalið verður 12. og 13. september.

Hoyr innslag í útvarpstíðindunum.