- Tíðindi, mentan og ítróttur
Flestu flokkar taka undir við springaradrápi
"Skulu føroyingar drepa springarar á sama hátt, sum vit drepa grind?"
Tað spurdi Kringvarpið floksformenninar og kvinnurnar í kjalarvørrinum á ógvusliga kjakinum um springaradrápið í Skálafirði.
Ein stórur meiriluti av flokkunum er fyri at drepa springarar, um tað er burðardygt og verður gjørt á rættan hátt.
Miðflokkurin, Sjálvstýri, Framsókn, Tjóðveldi og Javnaðarflokkurin eru allir fyri prinsipiella rættinum til at drepa springarar á sama hátt, sum vit drepa grind.
Bara Sambandsflokkurin er sinnaður at tosa um at gevast við springaradrápi ella at avmarka tað.
Tað hevur ikki eydnast at fáa viðmerking frá Jørgeni Niclasen, formanni í Fólkaflokkinum.
Men Christian Andreasen, formaður fyri tingbólkin hjá Fólkaflokkinum, er atfinningarsamur ímóti springaradrápinum.
Hann sigur á Vágaportalinum, at "vit eiga at spyrja okkum sjálvi, um vit vilja rinda tann prísin, sum springaradrápið kann koma at kosta okkum."
Hoyr samrøður við Aksel V. Johannesen, formann í Javnaðarflokkinum, og Bárð á Steig Nielsen, løgmann og formann í Sambandsflokkinum, í útvarpstíðindunum.
Tak niður