- Ætlanin er, at sjálvboðin kunnu bóka sær súkkluna inni í einari bókingarskipan og síðan fara ein túr við einum av íbúgvunum á røktarheimunum í Havnini, sigur Marjun Poulsen, ið er samskipari í heilsu- og umsorganartænastuni hjá Tórshavnar kommunu.

Talan er um eina tríhjólaða súkklu, ið havur ein kassa framman, har pláss er fyri tveimum fólkum, ið sita væl ballað við góðum útsýni, meðan piloturin situr aftanfyri og stýrir.

- Tað er sera týdningarmikið, at piloturin hugsar um, hvør uppgávan er. Tí tað avgerandi er, at tey eldru sleppa at njóta ein túr úti í frískari luft, úti í umhvørvi, har tey kanska ikki hava verið leingi, tí tey ikki eru so væl gongd. Súkklan sleppur framat øll hesi støð, sigur Henrik Kølleskov.