Hallur Hansson: kundi verið endaður í kýpriotiskum oddaliði

14.10.2021 - 17:04
ÍtrótturFótbóltur
Hallur Hansson: kundi verið endaður í kýpriotiskum oddaliði
Liðskiparin á føroyska fótbóltslandsliðnum skal spæla við Vejle Boldklub, tað ið eftir er av árinum, men hann kundi eins væl verið endaður í kýpriotiskum toppfelagi
Mynd: Hans Erik Danielsen/FSF  
Hallur Hansson í dystinum ímóti Skotlandi týskvøldið

Liðskiparin á føroyska fótbóltslandsliðnum, Hallur Hansson, skal spæla við Vejle Boldklub, tað ið eftir er av árinum. Tað kunngjørdi danska superligafelagið fyrr í dag.

Men miðvallarin kundu eins væl verið endaður í einum kýpriotiskum toppfelagi, sigur hann við kringvarpið. 

 - Vit tosaðu nokkso leingi við Apollon Limassol á Kýpros, sum er eitt toppfelag har niðri, sigur Hallur Hansson.

 - Tað er nakað heilt annað, enn tað, sum eg fyrr havi roynt, og allir partar av avtaluni vóru góðir.

Tað stóð ímillum føroyska miðvallaran og ein annan, men okkurt hendi, sum gjørdi, at hin fekk fyrimunin, samstundis sum samráðingarnar drógu út, og tí eydnaðist ikki at fáa eina avtalu í lag, fortelur landsliðsliðskiparin, sum eisini hevði tilboð úr donsku superliguni og Norra.

Hallur Hansson gavst í AC Horsens í summar, og síðan hevur hann leitað eftir nýggjum felagi. Hann viðgongur, at hann kanska hevur bíðað ov leingi við at taka eina avgerð.

 - Ja, tað kann gott vera, men støðan broytist allatíð. Hinar møguleikarnar, sum eg fekk; eg angri tað ikki. Tá eg stóð í støðuni, var tað ikki rætta valið, sigur Hallur Hansson.

Avtalan við Vejle, sum miðvallarin er glaður fyri, er bert galdandi til 1. januar - eitt tíðarskeið, har Vejle spælir sjey dystir.
 

 
Er kopiera

Tak niður

Nýggjastu sendingar í ÚV
Mikudag 27. oktober
Kvørnin: "Diplopia" við Konni Kass
130479
Mikudag 27. oktober
Nón 27. desember 2021
130471
Mikudag 27. oktober
Breddin
130450
Mikudag 27. oktober
Góðan morgun Føroyar 27.10.2021
130447
Mikudag 27. oktober
Morgunlestur mikudagur 27.oktober 2021
130311
Nýggjastu sendingar í SV
Mánadag 25. oktober
3-2
130386
Sunnudag 24. oktober
Andaktin
130329
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041