Samráðast við bretar um fiskivinnuavtalu

Føroyska samráðingartoymið er í hesum døgum í bretska høvuðsstaðnum London, sum er karmur um samráðingar millum strandarlondini um makrel, svartkjaft og norðhavssild fyri 2022.

Umframt tær vanligu samráðingarnar verður eisini roynt at fáa eina fiskivinnuavtalu í lag við Bretland.

Tað upplýsir Jacob Vestergaard, landsstýrismaður í fiskivinnumálum. 

Bretland gjørdist nýtt strandarland í fiskivinnuhøpi eftir Brexit. Í tí sambandinum var roynt at fáa eina fiskivinnuavtalu í lag millum Bretland og Føroyar í fjør, men bar tað ikki á mál. 

Hesaferð vónar landsstýrismaðurin, at ein avtala spyrst burturúr samráðingunum.