- Tíðindi, mentan og ítróttur
Suðuroyartunnil: Bíða enn eftir teknisku kanningunum
Teknisku kanningarnar av Suðuroyartunlinum eru ikki lidnar, men tá arbeiðið er liðugt, verður farið at kanna fíggingarleistin og at stovna partafelagið, sum skal byggja og reka tunnilin.
Tað sigur Jørgen Niclasen, landsstýrismaður í samferðslu- og fíggjarmálum.
Seinastu dagarnar hevur spurningurin um tunnilsgjaldið aftur verið nógv umrøddur, eftir at ein frágreiðing um Suðuroyartunnilin varð løgd fram fríggjadagin.
Og Jørgen Niclasen hevur verið mintur á, at hann hevur lovað, at tað skal vera ókeypis at koyra í Vága- og Norðoyatunlinum.
Landsstýrismaðurin sigur, at ein samferðslubólkur í samgonguni viðger m.a. henda spurningin.
Jørgen Niclasen mælir til, at landsins partur av Suðuroyartunlinum verður fíggjaður av løgukarminum á fíggjarlógini.
Hoyr samrøðu, sum Hallur av Rana gjørdi við Jørgen Niclasen í útvarpstíðindunum.
Tak niður