Tá songartíð er ein avbjóðing

27-10-2021

- Tryggleiki og nærvera eru lyklaorðini, tá foreldur skulu hjálpa barninum at sova, sigur Vígdis Skorheim, námsfrøðingur og námsfrøðiligur sálarfrøðingur.

Gev barninum nærveru, og fá tað at føla seg trygt.

Soleiðis ljóða ráðini frá Vígdis Skorheim, tá barnið hevur trupult við at leggja seg at sova.

- Sum oftast snýr hetta seg um eitt tíðarskeið, og so kemur alt við svøvninum í rætt lag aftur. Men tað krevur tol, sigur Vígdis Skorheim.

Í morgunsendingini greiddi hon frá børnum og songartíð. Hvat skalt tú sum foreldur gera, tá barnið er troytt, men ikki vil leggja seg at sova? Og kunnu foreldur og barn í felag koma ásamt um, hvat klokkan songartíðin skal vera?

Hetta er nakað av tí, sum Vígdis Skorheim fortelur um í morgunsendingini. Hon er námsfrøðingur og hevur lisið námfrøðiliga sálarfrøði.

Eisini svarar hon spurningum frá lurtarum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)