- Tíðindi, mentan og ítróttur
Ein tíggjundapartur er boraður
27.11.2021 - 15:29
Innlendis›Samfelag
Ein tíggjundapartur er boraður
Higartil eru boraðir tilsamans 470 metrar í báðum tunlunum norður um Fjall. Arbeiðið gongur væl, sigur Jón Sigurdsson, stjóri í Articon.
Mynd: Pól Sundskarð
Báðir tunlarnir verða boraðir úr Árnafirði.
Millum Árnafjørð og Ánir eru boraðir 130 metrar, og millum Árnafjørð og Hvannasund eru boraðir 340 metrar.
Byggifelagið Articon ger arbeiðið, og arbeitt verður alt samdøgrið.
Arbeiðið gongur væl, men tilfarið í fjallinum er eitt sindur misjavnt, og fyri at binda um heilan fingur er gjørt av at steingja ferðsluna í gomlu tunlunum, meðan sprongt verður, sigur Jón Sigurdsson, stjóri í Articon.
Árnafjarðartunnilin verður umleið 1900 metrar langur og Hvannasundstunnilin umleið 2200 metrar langur. Harumframt eru vegir til tunlarnar.
Løgtingið hevur játtað tilsamans 522 milliónir kr. til báðar tunlarnar, sum skulu verða lidnir á heysti í 2024.
Tak niður
Nýggjastu sendingar í ÚV
Nýggjastu sendingar í SV