Barbara og Edvard skulu reka hotel á Bornholm

21-01-2022

Frá 1. mars fer parið úr Nólsoy at reka Hotel Klippen, sum liggur í Gudhjem á Bornholm. Her fara Barbara og Edvard at brúka sínar royndir frá Maggies og ferðavinnuni í Nólsoy.

- Nú geva vit tí eina roynd, og so síggja vit, hvussu tað gongur. Vit tíma tað í hvussu er ordiliga væl.

Orðini eiga tey bæði Barbara Andreasen og Edvard Skúvadal, sum í næstum fara at reka Hotel Klippen, sum liggur í Gudhjem á Bornholm. Ein býur, sum telur umleið 800 íbúgvar.

Í hálvtannað ár hava Barbara Andreasen og Edvard Skúvadal rikið Maggies í nólsoy, men frá 1. mars fara tey at brúka royndirnar, tey hava frá tíðini á Maggies og ferðavinnuni í Nólsoy, á hotellinum í Gudhjem. Eitt hotell, sum hevur 22 kømur og eina matstovu.

Í morgunsendingini fortelja tey um nýggja ævintýrið á Bornholm.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)