Skeinkistøðini akta ikki løgmann

21.01.2022 - 13:42
InnlendisSamfelag
Skeinkistøðini akta ikki løgmann
Náttarlívið kann ikki halda fram á henda hátt, tí vandi er fyri, at skeinkistøðini ikki lata uppaftur, siga skeinkistøðini í dag.
Skeinkistøðini fara nú aftur at hava opið sum vanligt.
Mynd: Bjarni Árting Rubeksen  

Skeinkistøðini vilja ikki akta løgmann, hóast hann á tíðindafundi fyrrapartin mælti teimum til at bíða eitt sindur aftrat at hava opið út á náttina.

Skeinkistøðini ætla at hava opið eisini eftir klokkan 23 hetta vikuskiftið.

Sambært uppskotinum um hjálparpakka, fáa skeinkistøðini 100 prosent av føstu útreiðslunum endurgoldin frá 10. desember í fjør.

Hoyr innslag í útvarpstíðindunum.

 

 

Her er tíðindaskrivið frá skeinkistøðunum:

Aftaná seks vikur av avmarkingum er eingin innlagdur vegna koronu á sjúkrahúsi, og tí verður støðan ikki mett kritisk á tann hátt.

Náttarlívið kann ikki halda fram uppá hendan mátan, tí so er vandi fyri, at støðini ikki megna at lata uppaftur.

Tíbetur hevur landið lovað hjálparpakka, sum nú skal leggjast fyri løgtingið, og hann bøtir um støðuna undanfarnu seks vikur, men vinnan kann í longdini ikki kann liva av hjálparpakkum. Náttarlívið er takksamt fyri stuðulin frá landinum, men tá støðan er, sum hon er, so velur náttarlívið at lata upp aftur.

Skeinkistøðini hava boðað Vinnumálaráðnum frá, at um støðan broytist munandi til tað verra næstu tíðina, eru støðini tá sum áður til at tosa við fyri at finna skilagóðar loysnir.

Tá hevur løgtingið eisini vónandi fingið hjálparpakkan samtyktan, so at mannagongdin við avmarkingum tá verður lættari at fáast við.

 
Er kopiera

Tak niður

Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585