Nám varpar ljós á altjóða holocaustdagin

Altjóða holocaustdagur er í morgin, 27. januar.

Í ár varpar Nám ljós á Armenia og fólkadrápið, sum Ottomanska Ríkið, tað sum nú er Turkaland, framdi móti armenarum í 1915.

Ólavur í Geil samskipar holocaustdagin fyri Nám.

Holocaust er eitt størri evni enn ræðuleikarnir undir seinna heimsbardaga, og tí er viðkomandi at varpa ljós á hetta meira enn 100 ára gamla hópdrápið, sigur samskiparin.

Hoyr innslag í útvarpstíðindunum.

Nám hevur gjørt temasíðu við tilfari um holocaustdagin.

Øll kunnu fygja við, tá holocaustdagurin verður hildin fyri skúlanæmingum í Salti hósdagin kl. 10:00-11:30.