- Tíðindi, mentan og ítróttur
Prestar skulu arbeiða í toymi
31.07.2022 - 18:04
Innlendis
Prestar skulu arbeiða í toymi
Bíðað verður við at lýsa starvið sum sóknarprestur í Hvalba leyst at søkja, til ætlanirnar um, at prestarnir í Suðuroynni skulu arbeiða í einum toymi, eru klárar.
Hvalbingar hava í dag fingið nýggjan prest, Hanus Pál Jógvansson, sum hetta næsta árið er settur sum virkandi sóknarprestur í Suðuroyar norðara prestagjaldi.
At hann er settur sum virkandi sóknarprestur í eitt ár, kemst av, at Jógvan Fríðriksson, biskupur, arbeiðir við at umskipa prestatænastuna í Suðuroynni.
– Ætlanir mínar eru at broyta prestatænastuna í Suðuroynni, so teir tríggir prestarnir í framtíðini skulu arbeiða sum eitt toymi, sigur Jógvan Fríðriksson.
Í fyrsta umfari verður bíðað við at lýsa starvið í Hvalba leyst at søkja, meðan arbeitt verður við at fyrireika ætlaðu broytingarnar.
Hanus Pál Jógvansson er prestur í Hvalba, Jónsvein Bech á Tvøroyri og Patrick de Neergaard í Vági.
Tak niður
Nýggjastu sendingar í ÚV
Nýggjastu sendingar í SV