Royndir kunnu geva sálarligar avbjóðingar

Annika Helgadóttir Davidsen, adjunktur í sálarfrøði á Fróðskaparsetri Føroya, heldur tað vera væl hugsandi, at ein orsøk til sálarligar avbjóðingarnar hjá teimum ungu kann vera ov stórt trýst í sambandi við lands- og pisaroyndirnar.

Hetta sigur hon í sambandi við ein fyrispurning, Jóhannis Joensen, tingmaður fyri Javnaðarflokkin, hevur sent Jenis av Rana, landstýrismanni í mentamálum, um Pisakanningar og landsroyndir.

Í viðmerkinginum til fyrispurningin sigur hann, at ein orsøk til sálarligar avbjóðingarnar hjá teimum ungu kann vera ov stórt trýst í sambandi við lands- og pisaroyndirnar.