- Tíðindi, mentan og ítróttur
Suðuroyarskip á fíggjarlógina fyri 2023
Neyðugt er at seta pengar av á fíggjarlógini longu næsta ár til at keypa eitt skip til Suðuroyarleiðina.
Tað sigur Erhard Joensen, formaður í fíggjarnevndini hjá løgtinginum, nú tað er greitt, at Smyril ikki kann vera einasta álit á suðuroyarleiðini, til ein suðuroyartunnil verður veruleiki.
Í Degi og Viku í gjárkvøldi greiddi skiparin á Smyrli, Niels Harald Michelsen, frá, hvussu hart nógva siglingin fer við 17 ára gamla Smyrli.
Erhard Joensen er avgjørdur í spurninginum um farleiðina til Suðuroynna:
-Eitt skip skal keypast afturat Smyrli, ongantíð ov skjótt. Og tí skulu pengar setast av á fíggjarlógini fyri 2023. Ikki ein "symbolsk upphædd", men "tíggjutals milliónir" krónur setast av á fíggjalógini fyri 2023, sigur Erhard Joensen.
Smyril fer til eftirlit nú, og so stendur eitt stórt og umfatandi eftirlit fyri framman um trý ár. Fíggjarnevndarformaðurin heldur, at eitt nýtt skip afturat Smyrli eigur at keypast, antin í 2024 ella í seinasta lagi í 2025.
Til spurningin um Herjolf III, sum Strandferðslan hevur leigað úr Íslandi í fyribils eitt gott ár, ikki kann brúkast afturat Smyrli, svarar Erhard Joensen:
-Herjolfur III er ikki ein varandi loysn og kemur ongantíð at vera tað. Hugskotið at Herjolfur kundi vera ein stuðul hjá Smyrli til at føra frakt er okay, men sum eitt alternativ til Smyril er loysnin púra óbrúkilig.
Trýst á pílin undir myndini fyri at hoyra innslag.
Tak niður