- Tíðindi, mentan og ítróttur
Einki lyfti um pengar til suðuroyarskip
Í tíðindunum á middegi segði Erhard Joensen, formaður í fíggjarnevndini hjá løgtinginum, at pengar skulu setast av á fíggjarlógini fyri 2023.
-Eitt skip skal keypast afturat Smyrli, ongantíð ov skjótt. Og tí skulu pengar setast av á fíggjarlógini fyri 2023. Ikki ein "symbolsk upphædd", men "tíggjutals milliónir" krónur, sigur Erhard Joensen.
Hoyr samrøðuna við Erhard Joensen HER.
Smyril fer til eftirlit nú, og so stendur eitt stórt og umfatandi eftirlit fyri framman um trý ár. Fíggjarnevndarformaðurin heldur, at eitt nýtt skip afturat Smyrli eigur at keypast, antin í 2024 ella í seinasta lagi í 2025
Men landsstýrismaðurin í fíggjarmálum er langt frá so avgjørdur.
-Eingin avgerð er tikin í samgonguni um at seta pengar av á fíggjarlógini fyri 2023 til at keypa eitt suðuroyarskip afturat Smyrli, sigur Uni Rasmussen.
Trýst á pílin undir myndini fyri at hoyra samrøðu við Una Rasmussen.
Tak niður