U18: Føroyar vunnu móti Íslandi

Eftir ein truplan fyrra hálvleik móti Íslandi fingu føroysku venjararnir justerað somikið á føroyska liðnum, at Føroyar at kalla allan seinna hálvleik høvdu tamarhald á støðuni í seinasta dystinum í EM-endaspælinum í Montenegro.

Føroyar vunnu dystin 29-27, eftir at Ísland var á odda 15-13 í hálvleikinum.

Toppskjútti á føroyska liðnum í dag var Óli Mittún við 11 málum. Rókur Ziskason skeyt 7 mál fyri Føroyar ídag. Óli Mittún hevur verið eyðsýndur í hesum EM-endaspælinum, har hann hevur skotið tilsamans 80 mál og er toppskorari í allari kappingini.

-Dysturin í dag var eitt framúr avrik í eini EM-endakapping, sum vit kunnu vera stolt av, sigur Djóni Gaard Joensen, annar av landsliðsvenjarunum hjá Føroyum.

Trýst á pílin undir myndini fyri at hoyra samrøðu við Djóna Gaard Joensen.