- Tíðindi, mentan og ítróttur
Góðan morgun Føroyar
- Vit eiga ikki at góðtaka, at tað skal vera í lagi at hava ilt, tá mann hevur menstruatión, at mann fær høvuðpínu, fyllist við vætu, og at lagið kann vera sera skiftandi beint áðrenn menstruatión. Øll hesi eru tekin um, at kroppurin ikki er í javnvág.
Orðini eigur Laila Tórsheim. Hon er cand. mag. í sálarfrøði og hevur í fleiri umførum verið í Føroyum og undirvíst kvinnum í joga og lært tær ymiskt um menstruatiónssyklus. Seinast var í farnu viku.
Laila Tórsheim heldur, at kvinnur kunnu fáa eitt lættari lív við at vera meira tilvitaðar um sín syklus og kanska royna at leggja alt meira til rættis eftir, hvar í syklussinum tær eru.
Nær er tað eitt gott hugskot sum kvinna at halda eina veitslu og vera sosial, og nær er skilabest at binda frið og slappa av? Tað kanst tú vita við at kenna tín syklus, heldur Laila Tórsheim, sum hevur skrivað bókina Dit hemmeliga våben - ein bók, um hvussu kvinnur eiga at seta seg inn í sín menstruatiónsyklus og harvið fáa ein lættari gerandisdag.