- Tíðindi, mentan og ítróttur
Benjamin fór til USA við gittara á baki at banka upp á dyr
Benjamin Petersen er 34 ára gamal. Á ungum árum hevur hann verið víða um tónleikaliga sum gittaristur, sangari, tónasmiður og skald. Undir listafólkanavninum Son of Fortune spælir hann skitnan rock, har hann fortelur søgur úr gerandislívinum.
Í 2019 gjørdi Benjamin av at leita sær til Nashville í USA at fáa í lag samstarv. Hetta var ikki bara sum at siga; hann visti, at eitt miðvíst uppleitandi arbeiði skuldi gerast. Av tilvild var tíð knappiliga tøk í einum upptøkuhøli, sum honum stóð í boði at brúka. Hann tók av hesum, savnaði nakrar tónleikarar saman og úrslitið av ferðini kom sostatt at verða útgávan Alone And Forsaken, sum er tikin upp við amerikanskum tónleikarum.
Men gamalt vinalag forgongst ikki. Hetta fríggjakvøldið spælir Benjamin við góða gamla vinmanninum, Jan Rúna Poulsen, á Blábar í Havn. Teir báðir hittust, tá teir sum tannáringar skuldu spæla undir hjá Brandi Enni fyri yvir 20 árum síðani. Síðani hava teir spælt saman javnan, og Jan Rúni er fastur aftanfyri trummurnar, tá Son Of Fortune trínur á pall. Michael Blak plagar at spæla við sum bassistur. Men av tí, at hann er úti og ferðast við Eivør, verða tað bert Benjamin og Jan Rúni, sum tveireinir spæla hesuferð - og, sum Benjamin sigur, "tað skulu teir nokk klára".
Vikuskiftissendingin var á gátt á Reinsaríinum og Hitti Benjamin Petersen í sambandi við, at hann skuldi spæla konsertir í Havn um vikuskiftið. Hoyr samrøðuna.
Tak niður