Hosti, fepur, høvuðpína, ilt í búkinum og spýggj.

Hetta er júst nú gerandisdagur hjá fleiri familjum, børnum og vaksnum, tí í hesum døgum eru nógv sjúk.

Men hví eru so nógv so sjúk og í summum førum sera leingi akkurát nú?

- Vit eru seinast í novembur, og tað er árstíðin, tá ymsar sjúkur byrja at gera um seg. Harafturat eru vit eru meira inni, og tað gerst kaldari úti. Men so eru tað eisini onnur viðurskifti, sum kunnu spæla inn. Samfelagið hevur verið afturlatið seinastu tvey-trý árini, og nú í vár blivu so alalr avmarkingar tiknar burtur, sigur Gunnhild Helmsdal og heldur fram:

- So eru tað eisini onnur, ting, sum vit kanska ikki ordiliga vita, hvat er. Tað, at vit hava havt eitt reint samfelag seinastu tvey árini, tað forklárar ikki ordiliga upplopið, sum hevur verið hetta seinasta árið við ymiskum virus, sigur Gunnhild Helmsdal.

Í morgunsendingini forklárar Gunnhild Helmsdal, kommunulækni, hví so nógv eru rakt av sjúku í løtuni.