- Tíðindi, mentan og ítróttur
Ljóarin
Hvat hendir, tá ið ein sýnir fram fleiri metrar stórar málningar av seyðahjørtum, slambur og einum klovnum seyðarhøvdi í einum kanadiskum stórbýi? Tað spyrja vit listamannin, Heiðrik á Heygum um. Og hann er ein av fleiri føroyingum, ið hava sýnt sína list á stórum mentanarátaki í Toronto í Kanada, har norðurlendsk list er í hásæti.
Herfyri lat Mr. Conroy úr hondum fjølbroyttu útgávuna Ignite the light. Vit hitta høvuðsmannin, Remi Thomsen.
Tykisljóð er annað yrkingasavnið hjá Arnbirni Ólavsson Dalsgarð, og í savninum varpar hann millum annað ljós á tað at vera ein 50 ára gamal hvítur maður í einum vælferðarsamfelag. Vit tosa við Arnbjørn.
List og mentan hava ikki fingið tær stóru yvirskriftirnar í valstríðnum, men seinastu dagarnar hevur listin tó fingið meira rúmd. Og í kvøld verður valfundur um mentan og list á Reinsarinum í Havn. Vit tosa við Bárður Dahl Christiansen, fyriskipara.
Og vit hava eisini verið á gátt í gamla bygdahandlinum í Árnafirði, sum í ár rundar tey níti. Vit tosa við 93 ára gomlu Fanny Olsen, sum enn rekur handilin. Harumframt hitta vit árnfirðingarnar Fíu Tómasson, Fíu Justinussen, Mikkjal Mikkelsen og Olivar Askham.
Tú kanst hoyra sendingina her!