- Tíðindi, mentan og ítróttur
Jóhan spælir HM-finalu í annaðkvøld
28.01.2023 - 12:36
Ítróttur›Hondbóltur
Jóhan spælir HM-finalu í annaðkvøld
Kappingin um heimsmeistaraheitið í hondbólti 2023 verður avgjørd í annaðkvøld, tá ið Danmark og Frakland spæla finalu.
Danmark kom í finaluna við at vinna 26-23 á Spania í síni hálvfinalu, og Frakland vann í síni hálvfinalu 31-26 á Svøríki.
Bæði Danmark og Frakland hava longu undan HM-finaluni tryggjað sær atgongd til OL í París næsta ár – Frakland sum vertur og Danmark sum HM-finalistur.
Jóhan á Plógv Hansen, vongur á danska landsliðnum, væntar, at Danmark vinnur við fimm málum, men hann er eisini greiður um, at Frakland er eitt sterkt lið.
HM-finalan, sum er tann triðja á rað hjá Danmark, verður spæld í Stockholm í annaðkvøld klokkan 20. DR1 sendir dystin.
Tak niður
Nýggjastu sendingar í ÚV
Nýggjastu sendingar í SV