Hesar seinastu dagarnar hava serliga nógvir stuttleikabátar verið at sæð í Vágsbotni, og tað hevur verið ein ávísur ólavsøkuhugni eftir Bryggjubakka. Tí nógvir bátar aðra staðni úr landinum eru komnir í góðari tíð til Havnar fyri at fáa eitt gott bátapláss á ólavsøku. Fólk búgva umborð hesar dagarnar og eru fegin um at vera so nær ólavsøkuni sum gjørligt.

Fyrrapartin í gjár skipaði Tórshavnar Bátafelag fyri at leggja allar bátarnar upp á pláss, har teir skulu liggja á ólavsøku. Endamálið var at fáa pláss fyri so nógvum bátum sum gjørligt fram við Bryggjubakka.

Summarmorgun í Útvarpinum var við og fekk prát við nøkur bátafólk.