- Vælferðarsamfelagið skal í høvuðsheitum taka sær av børnunum og so teimum gomlu, teimum sjúku og teimum veiku.
Hesin setningurin er ofta komin frá Ben Arabo, sum er formaður í Nýskipnarnevndini, sum hevur fingið litið í hendur at endurskoða og smalka tað almenna.
Hann hevur ferðast og starvast í so ymiskum londum sum Bretlandi, Indonesia og Egyptalandi fyri at nevna nøkur úr rúgvuni. Hansara royndir úr øðrum londum gera, at hann er glaður fyri tað vælferðarsamfelagið vit liva í, men samstundis heldur hann, at vit í ov stóran mun hava gjørt Føroyar til eitt forboðsland við óneyðugari stýring.
Neyðugt at er at gera upp við, hvat tað almenna skal og ikki skal gera.
Sjálvur er hann uppvaksin á Oyrareingjum, har hann eisini býr í dag. Og hóast tað er ein lítil bygd, sum ikki hevur sól alt árið, so hevur tað ikki á nakran hátt avmarkað hansara sjónarring.
Hoyr samrøðuna við Ben Arabo, sum var vikugestur í Vikuni, har vit koma afturum mannin, sum hevur verið á hvørjum munni seinastu vikurnar.