Verkfall í Danmark rakar eisini føroyingar

Í gjár fóru fleiri enn 5.000 sjúkrarøktarfrøðingar í Danmark í verkfall, eftir at stórur meiriluti av sjúkrarøktarfrøðingunum havnaði samráðingarúrslitinum við frumatkvøðu.

Sjúkrarøktarfrøðingarnir vilja hava meira í løn.

Avleiðingin av verkfallinum er, at nú verða fleiri sjúkraviðgerðir útsettar.

Í Føroyum ávirkar tað serliga ortopediskar sjúklingar, sigur Marita Andrasardóttir, leiðari á Uttanlandstænastuni á Landssjúkrahúsinum.

Hoyr innslag í útvarpstíðindunum.
 

Á Uttanlandstænastuni á Landssjúkrahúsinum merkja tey eisini, at sjúkrarøktarfrøðingar í Danmark eru farnir í verkfall.