Nert ikki við

Vit nerta við PTSD
13-05-2023
P11
Í hesum partinum nerta vit við sálarsjúkuna PTSD, ið kemst av trauma

Ofta verður PTSD sett í samband við hermenn, ið venda aftur frá kríggi. Men eru tað bert teir, ið kunnu hava PTSD? Hvat er PTSD?

Vit tosa við Maibritt Marjunardóttir um, hvussu tað var, at vera um at missa sítt barn. Vit hoyra um, hvussu hetta setti síni spor hjá henni og familju hennara. Síðani hvussu eitt parlag mentist til tvey brotin menniskju, sum ístaðinfyri at hjálpa hvørjum øðrum í svárastu tíðini, gjørdust størstu fíggindarnir hjá hvørjum øðrum. Hvat gert tú sum foreldur, um tú ikki longur klárar at halda øllum inni?

Síðani hoyra vit Suna Poulsen, sálarfrøðing, greiða frá merkingini av PTSD á ein nýggjan hátt. Vit hoyra um, hvussu týdningarmikið tað er at viðurkenna tær kenslurnar, ið tann útsetti situr við. Samrøðan fór síðani eitt sindur víðari í eitt annað spor, har ið vit komu inn á viðgerð og psykiatri. Hvussu hjálpa vit teimum, ið stríðast, á besta hátt? Ger núverandi føroyska psykiatriin tað nóg gott?

Vertir eru Anna Joensen-Næs og sálarfrøðingur Bjørt Lind.

Nert ikki við

Nert ikki við er útvarpssending, sum fer at nerta við evni, ið vit vanliga ikki tosa um innan sálarheilsuøkið í Føroyum. Hvør sending hevur ein persónligan og ein fakligan vinkul. Vertir eru Anna Joensen-Næs og sálarfrøðingur Bjørt Lind.
Hvussu ynskja vit at framtíðin í psykiatriini sær út? Hvørji tilboð eiga at raðfestast? Hvat halda vit um nýggja tilboðið um, at læknavaktin fær psykiatriskar førleikar?
06-06-2023
- Tú kennir teg einsamallan. Tú heldur, at tað er persónurin, ið er sjúkur, ið skal hava hjálpina. At øll kring viðkomandi eru líkamikið. Men tað er jú alt húskið, ið er sjúkt
06-06-2023
Í hesum partinum nerta vit við sálarsjúkuna PTSD, ið kemst av trauma
13-05-2023
Í hesum partinum av Nert ikki við, viðgera vit psykiatriina, vit tosa um útgreining, viðgerð og hvørji tilboð eru.
01-05-2023
Tað kemur fyri, at eg havi verið ógvuslig við onkran og havi sagt okkurt, ið hevur sært tey. Tað er ræðuliga keðiligt, tí eg minnist tað ikki ordiliga, sigur Dulcine Gala
17-04-2023
Hevur tað týdning fyri okkara sálarheilsu at hava vinir, at hoyra til, og atvvera partur av einum felagsskapi? Hvussu ávirkar tað okkum, tá ið vit kenna okkum útihýst?
29-03-2023
Seinastu árini hevur nógv ljós verið varpað á sálarheilsu og sálarsjúku. Men hvat er munurin millum sálarsjúku og at mistrívast? Og er ov nógv fokus á sálarheilsu í dag?
20-03-2023
Í dag stríðast fleiri við torførar tankar og kenslur, og hava ringt við at finna meining í lívinum. Við vón um broyting, nerta vit í dag við viðkvæma evnið sjálvmorð
10-03-2023
Aftaná ein longri steðg vendir Nert ikki við aftur. Nógv er hent síðani seinast, og í dag nerta við sálarligan harðskap
03-03-2023
Nógv verður prátað um ung og sálarheilsu í dag, men hvussu er at verða eldri, tá ið tíni nærmastu byrja at falla frá, og lívið ikki longur er tað sama, sum tað einaferð var?
14-12-2022
Eg fekk ikki frið. Tað gjørdist so ógvusligt í fimta flokki, at eg bleiv vaskað av næmingum í flokkinu. Eg gjørdist blá øll sum eg var. Tá søgdu míni nærmastu, at nú var nokk
06-12-2022
Vit hava øll roynt tað. At verða forelskaði og fáa okkara hjarta knúst. Men hvussu ávirkar hesin rúsurin okkum, og hvat gery tú, tá ið tú ikki longur hevur atgongd til rúsin?
30-11-2022