- Tíðindi, mentan og ítróttur
Kapellið á Landssjúkrahúsinum verið stongt í hálvttriðja ár
- "Tørvurin á einum kapelli til jarðarferðir er lítil". Soleiðis segði Jógvan Fríðriksson, bispur, við útvarpið 29. november.
Hetta segði hann í sambandi við, at einki kapell hevur verið á Landssjúkrahúsinum síðani koronufarsóttin fór at herja í Føroyum í 2020. Hann vil heldur hava eitt andaligt rúm til onnur høvi.
Tað eru tó ikki allir prestar, ið vilja vera siðbundna kapellið fyriuttan.
Heri Joensen, prestur í Havn, saknar eitt stað, ið einans er til tær løturnar, tá tey avvarðandi sleppa at siga sínum kæru farvæl.
Sjúkrahúsverkið vil tosa við Fólkakirkjuna um málið
Leiðslan á Landssjúkrahúsinum sigur við Kringvarpið, at tey ikki hava havt ætlanir um at steingja kapellið. Eisini hava tey sett seg í samband við bisp eftir at hava hoyrt málið umrøtt í útvarpinum um at gera eina ætlan fyri framtíðina av kapellinum.