Café Salt: Valurin var fyrsta skipaða útstykkingin í Føroyum

25-03-2023

Í slupptíðini vóru glaðir dagar í Valinum mitt á Tvøroyri, har ungdómar úr øllum landinum búðu saman í samband við arbeiði, sum Tvøroyri hevði nógmikið av.

Jákup Jensen er lærari og staðkendur á Tvøroyri og Valinum, har hann eisini vaks upp. Hann veit rættiliga nógv um yvirskipaðu bygdasøguna, men eisini nógv um tey fólkini, sum búðu í Valinum, har dansistaðið Tvøratunga varð nógv vitjað. Í samrøðuni greiðir Jákup Jensen millum annað frá hesi fyrstu skipaðu bústaðarútstykkingini, ið bleiv til Valin, og hvaðani fólkini komu, sum settu búgv á hesum fyrr óbygda stað millum Froðba og Trongisvág.

Men ein kann ikki tosa um Valin uttan eisini at greiða frá byrjaninin til Tvøroyri, sum var í 1836. Eitt sindur verður haraftrat greitt frá fakfelagsarbeiði, og Jákup Jensen sigur okkum eisini, hví tað ikki er eins hugnaligt í Valinum í dag samanborið við fyri fáum áratíggjum síðan.

Café Salt 22. mars 2023

Café Salt

Café Salt er eitt slag av kvøldsetu við bæði álvarsomum og skemtiligum innihaldi. Vertir eru Ólavur Rasmussen og Jákup Magnussen.

Café Salt: Valurin var fyrsta skipaða útstykkingin í Føroyum

Í slupptíðini vóru glaðir dagar í Valinum mitt á Tvøroyri, har ungdómar úr øllum landinum búðu saman í samband við arbeiði, sum Tvøroyri hevði nógmikið av.

25-03-2023

Café Salt: Vetrartíðina kvøða sumbiarbørn og sparka fótbólt uttandura

Í summar fara ungir dansarar í Sumba til Svøríkis at dansa og kvøða. Til hetta krevst venjing og í sendingini hoyra vit trý børn við leiðara greiða frá felagslívinum í Sumba.

24-03-2023

Café Salt: 'Blandað Drops' í Vágs skúla syngja tveir sangir

Hetta er skúlakórið, sum hevur givið fløgu út. Fyrr var tað Dagfinn Olsen, sum hevði leiðlsuna, meðani Ingun Háberg hevur hana í dag. Dagfinn Olsen spælir undir á gittara.

24-03-2023

Café Salt: Tónleikalig frumframførsla hjá Hjalmari, Dagfinn, og Arna

Húsorkestrið mannaðu: Hjalmar Magnussen, sangur og gittar, Dagfinn Olsen, bassur, og Arni Holm Carlsen, klaver. Teir spældu fýra sangir, sum kunnu hoyrast her.

24-03-2023

Nýtt Café Salt lag: 'Smirol' hjá 'Gundurs Studioorkestur í Trongisvági'

Ein sangur um normallívið umborð á Smyrli. Niðurlagið lýsir oftast setta spurningin, tá tveir suðuroyingar hittast umborð á Smyrli á veg norðureftir til Havnar.

24-03-2023

'Café Salt' 22. mars: Gott prát og bæði livandi tónleikur og skemt

Heimkomin vágskvinna sigur frá lívi sínum úti í stóru verð, tvøramaður greiðir frá býlinginum, Valinum, barnadansur í Sumba er eitt evni, húsorkestur spælir og barnakór syngur

24-03-2023

Bygdaráðslimir í Sumba og Hvalba skifta orð um kommunusamanlegging

Halltóra Joensen og Gunnhild Mortensen eru báðar hvalbingar, men Halltóra býr í Sumba og umboðar Sumbiar Bygdaráð í hesum práti um at leggja Suðuroynna í eina kommunu.

13-03-2023

Froðbiar Sóknar Blues Orkestur LIVE í Salt

FSBO spældi fimm bluessangir í útvarpssendingini 'Café Salt', ið send varð frá Mentanarhúsinum Salt á Tvøroyri tann 1. mars 2023.

13-03-2023

Sonne Smith kom í Salt at hoyra bluestónleik og greiða frá lívinum

'Café Salt' 1. mars 2023: Sonne greiðir frá barnaárum, sjólívinum, fátækum korum undir lesnaði í Danmark, tíðini í Radiohandlinum, Útvarpi Føroya, og øðrum.

13-03-2023

Kirkjukórið Ljómur syngur 'Várlongsul' og 'Jarðareyga'

Nógv var á skránni, tá útvarpið sendi Café Salt sending mikukvøldið 1. mars. Har var bæði prát, rokktónleikur, skemt, og eisini kórsangur, sum Kirkjukórið Ljómur bar fram.

13-03-2023

Café Salt sketsj: 'Tvølban og konan'

1. mars varð sent frá kaffistovuni í Mentanarhúsinum Salt á Tvøroyri. Eitt av innsløgunum var ein sketsj um sandvíkingar, ið práta saman við stórum misskiljingum.

13-03-2023

Til gaman og álvara í Café Salt á Drelnesi

Mikukvøldið hittust fólk í Mentanarhúsinum Salt til beinleiðis útvarp. Har var nógvur látur og blues-rokkur, men eisini vóru álvarsmál sum kommunusamanlegging tikin við.

02-03-2023