Guðmundur súkklar í svimjihøllini

Fyri at venja seg við nógva hitan í Bermuda, er Guðmundur Joensen farin inn í svimjihøllina at venja

Guðmundur súkklar vanliga uttandura, men í løtuni er tað í Svimjihøllini í Gundadali, har tað er munandi heitari

20.06.2013 - 11:28

<p>Guðmundur Joensen venur nógv inni í svimjihøllini í Gundadali í hesum døgum. Um nakrar vikur byrja Oyggjaleikirnir í Bermuda, og tí hevur tað stóran týdning fyri Guðmund, at hann venur seg við nógva hitan, sum fer at møta honum.</p><div><br></div><div>Guðmundur luttekur í triathlon. Hann skal svimja 1,5 km., súkkla 40 km., og renna 10 km. Í løtuni er tað bara rennivenjingin sum er uttandura. Svimjingin er sjálvsagt í svimjihøllini, men tá Guðmundur fer úr hylinum, fer hann beint á eina kondisúkklu, sum er stillað upp í Svimjihøllini.</div><div><br></div><div>Í Svimjihøllini í Gundadali eru um 30. stig, og tað hjálpir Guðmundi væl, nú Bermuda av álvara nærkast.</div><div><br></div><div>- Vit vænta, at tað verður øgiliga heitt, og tí mugu vit fyrireika okkum upp á tað ringasta, sigur Guðmundur Joensen.</div><div><br></div><div>Mánakvøldið verður eitt innslag í 3-2, har tað ber til at síggja, hvussu Guðmundur fyrireikar seg til Oyggjaleikirnar.</div>