Carl Johan hevur aftur kastað terningarnar

04-11-2019

Carl Johan Jensen hevur útgivið fimm bøkur seinastu fimm árini. Seinasta bókin er um tilvild - og tó.

Skaldsøgan "Terningar - søgur av tilvild" er partur av einum tríverki, har Sær er tann fyrsta og ein kemur afturat.

- Bøkurnar hanga saman á tann hátt, at tær eru frá sama tíðarskeiði, men tað eru ymsir persónar í bókunum, sum eru skrivaðar upp ímóti hvørjari aðrari, sigur Carl Johan Jensen.

Tann fyrra, Sær, snýr seg um at fylgja sínum útlongsli og finna heimaftur. Hendan snýr seg um ein persón, sum er føddur í einum ónevndum føroyskum fjarðarbotni, og hann fer ongan veg.

Vit tosa við Carl Johan um nýggju bókina, um hansara sermerkta skrivingarlag, og hví hann hevur verið so úrtøkumikil seinnu árini.

Seinastu fimm árini eru komnar fimm bøkur út eftir Carl Johan, av teimum eru fýra skaldsøgur og ein stóryrking.

Tú kanst hoyra samrøðuna her.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022