- Tíðindi, mentan og ítróttur
Nón
- Listin skal vera góð, samstundis sum hon hevur ein boðskap, men boðskapurin skal ikki vera soleiðis, at myndin hvílir í honum. Myndin skal hvíla í sær sjálvari, men kanska tú fært okkurt burturúr, sigur Sigrun Gunnarsdóttir.
Sigrun Gunnarsdóttir fekk Mentanarvirðisløn Landsins 2021. Nón vitjaði Sigruna í atelieri hennara á Eiði.
Listin hjá Sigrun hevur sín heilt egna stíl. Tað er eyðkent og litríkt; myndirnar eru einfaldar men kortini samansettar; her eru nógv symbol, bæði andalig og verðslig; her eru søgur um menniskju og djór. Men soleiðis hevur ikki altíð verið. Tað eksistentiella kom veruliga inn í listina, tá ið familjan var fyri einum missi miðskeiðis í 1990-unum. Eftir tað málaði hon nógv við symbolum. Sjálv vónar Sigrun, at hennara list kann ríka lívið hjá teimum, sum skoða verkið.
Hoyr alla samrøðuna við Sigruna.