– Verður ikki okkurt gjørt nú, so verður tann blómandi tónleikavinnan bumbað nógv ár aftur í tíðina.

Tað siga Uni Debes og Mikael Blak, sum mánadagin vóru á fundi við landsstýrismannin í vinnumálum og greiddu frá vanlukkuligu støðuni, sum føroyskir tónleikarar eru í beint nú.

Uni Debess og Mikael Blak hava valt tónleikin. Teir fáast burturav við at gera, spæla og framleiða tónleik. Nú eru allar inntøkurnar burtur. Og tí er neyðugt, at onkur traðkar til og hjálpir tónleikavinnuni í tí sváru støðuni, hon er í.

Teir fingu einki lyfti frá politisku skipanini, sum kortini sigur seg skilja støðuna, men teir politisku pakkar, sum higartil eru gjørdir, hava lítið og einki hjálpt.

– Her eru ongar ætlanir at veita stuðul, og tað er óforstáiligt, siga Uni Debes og Mikael Blak. Tí vóna vit nú, at okkurt kann gerast, siga teir.

Hoyr alla samrøðuna her.