- Tíðindi, mentan og ítróttur
Nón
Tá ið ummælarar pallseta seg sjálvar
23-03-2021
Paula Gaard hevur vart phd-ritgerð um støðuna hjá ummælum og ummælarum
Tað leikaði ofta hart á, tá ið bøkur vóru ummæltar í Føroyum árini millum 1997-2007. Eitt nú vóru kvinnubókmentir av summum sagdar at vera vánaligar, og onkur fekk beinleiðis at vita, at hon skuldi gevast at skriva.
Ein orsøk var, at onkrir rithøvundar, sum ummæltu aðrar rithøvundar, pallsettu seg sjálvar. Samstundis sum teir søgdu kvinnubókmentirnar vera ov vánaligar, pallsettu teir seg sjálvar sum góðar rithøvundar. Hinvegin sást, at aðrir ummælarar reistu seg og vardu kvinnurnar, sum skrivaðu um onnur evni enn menn.
Hetta er ein av áhugaverdu eygleiðingunum í phd-ritgerðini "Verjurøða ummælarans", sum bókmentafrøðingurin Paula Gaard nú hevur vart á Fróðskaparsetrinum. Andmælingar vóru Erik Skyum-Nielsen, lektari, Dagný Kristjánsdóttir, professari, og Malan Marnersdóttir, professari. Vegleiðari var Turið Sigurðardóttir.
Paula Gaard hevur kannað bókaummæli í Føroyum eitt tíggjuáraskeið, og ritgerðini hevur heitið "Verjurøða ummælarans" við undirheitinum "sjálvsmyndan í føroyskum bókaummælum 1997-2007".
Hoyr samrøðuna við Paulu Gaard her.
Paula Gaard við ph.d.-prógvi, blómum og Maluni Marnersdóttir, professara og andmælingi, við sína lið (Foto: Brynhild Thomsen)
Nón
Sending, sum var at hoyra í útvarpinum frá 2017-2022.
Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.
Ælaveður er nýggj fløga eftir Paula í Sandagerði. Hoyr áhugaverda samrøðu við útlagda komponistin, sum altíð leingist aftur til Sandagerð.
01-07-2022
Høvuðsósemjan um grindadráp snýr seg grundleggjandi um samanstoyt millum ymsar tilverufatanir, sigur Arnbjørn Mortensen, søgufrøðingur, í nýggjari bók
24-06-2022
Stuttsøgukapping fyri sjúkrarøktarfrøðingar. Grindadrápið ímyndar ymsar tilverufatanir.
22-06-2022
Sjúkrarøktaretiska ráðið skipar fyri stuttsøgukapping. Endamálið er at varpa ljós á kompleksa yrkið, sum millum annað kann hava etiskar tvístøður við sær.
22-06-2022
Hugtøkini armslongd og listarlig góðska eru kompleks, og tí er tørvur á áhaldandi at skifta orð um tey, tá tað kemur til listastuðulsskipanir, halda viðmerkjarar
19-06-2022
Ummælararnir í Nón geva norðurlendska leikin "Løsrivelsen" 3 og 4,5 stjørnur.
19-06-2022
Tann 18. juni fyllir Sir Paul McCartney 80 ár. Vit manna eitt panel við fimm McCartney-kennarum.
17-06-2022
Listastuðulsskipanirnar í norðurlondum líkjast, men munir eru. Tí er relevant at deila vitan um eitt nú armslongd og listarliga góðsku, kom fram á norðurlendskum netverksfundi
17-06-2022
Endamálið við nýggja verkinum "Fuglar í Føroyum" er millum annað at dagføra vitanina um fuglar í Føroyum, og birta áhugan fyri teimum, siga høvundarnir
17-06-2022