Er tað í lagi at seta ein 17 metrar høgan marglittan kross á eitt fjall í Guds fríu náttúru, ella skulu vit varða okkum fyri religiøsum symbolum í almenna rúminum. Og er ein krossur yvirhøvur list? Poul Guttesen, phd í religión, og Kinna Poulsen listaummælari skifta orð um nógv umrødda krossin á Høganesi.

Leikurin Tann komiska tragedian við Olafi Johannesen, sum varð sýndur fyri fullum húsum nakrar fáar ferðir í desember, er nú aftur á skránni. Hesaferð í Løkshøll og Norðurlandahúsinum.

Hinumegin ringvegin, sum kom út sum fløga og kasettuband fyri 30 árum síðan, er nú endurútgivin sum LP-pláta. Men tað er ikki Kári P. sjálvur, sum hevur tikið stigið. Tað var plátu-entusiasturin Poul Davidsen, sum vendi sær til Tutl.

Og so tekur Høgni Djurhuus samanum vikuna, ið fer, í speiska Hágnatátti sínum.

Hoyrið sendingina her.