- Tíðindi, mentan og ítróttur
Nón
Í dag eru 75 ár liðin, síðan Mentanargrunnur Føroya Løgtings, sum hann æt tá, varð stovnsettur, tann 6. mai 1945, á føðingardegi Jóannesar Paturssonar. Nú eitur grunnurin Mentanargrunnur Landsins, og endamálið er stuðla mentan og list, leikum og lærdum.
Nón bjóðar trimum forfólkum - Róa Patursson, Ingun í Skrivarastovu og Poul Guttessen, sum hava stjórnað Mentanargrunninum - á gátt til kransakøku og eitt prát um Mentanargrunnin, sum hevur virkað fyri føroyskari mentan síðan seinna kríggið. Vit spyrja millum annað, hví list skal stuðlast.
Í Norðurlandahúsinum er Barnavika, og har eru fleiri tiltøk á skránni til børn og barnsligar sálir. Vit hitta barnaorkestrið Jassarnar, sum fríggjakvøldið skulu hava rock-konsert í Norðurlandahúsinum, til eitt prát um tónleik og dreymar.
Og so hoyra vit tvey knasandi góð polsk løg.
Hoyr alla sendingina her.