Herfyri kom bókin "Kvinde kend din historie" út, sum danski søgufrøðingurin Gry Jexen hevur skrivað. Byrjanarstøði hjá henni var, at kvinnur eru ov lítið umboðaðar í danskari søguskriving, og í bókini verða søgurnar hjá útvaldum donskum kvinnum - kendum og ókendum - sagdar. Men hvussu stendur til við kvinnum í føroyskari søguskriving?

Sum heild er skrivað minni um kvinnur enn um menn í føroyskari søguskriving og líknandi tilfari, metir Elin Súsannu Jacobsen, søgufrøðingur. Hetta er helst tí at fleiri menn hava havt "týðandi" størv innan eitt nú politik og vinnulív enn kvinnur, men orsøkin kann eisini verða, at fáir kvinnuligir søgufrøðingar hava verið í Føroyum, heldur hon.

Hetta hevur við sær, at søgan um føroyskar kvinnur er minni fjølbroytt enn søguskrivingin um føroyskar menn. Tað kann hava týdning fyri vitanina um okkara søgu og samtíð, og hava týdning fyri virðingini fyri kvinnum og tí arbeiði tær søguliga hava framt, sigur Elin Súsanna.

Lurtið eftir innslagnum.