Miðað verður eftir at fáa eini 16.000 fólk at svara stórari spurnarkanning, sum skal kortleggja allan tann føroyska arbeiðsmarknaðin. Vit tosa við Anniku Helgadóttir Davidsen, sum er verkætlanarleiðari.

Deildin fyri Arbeiðs- og almannaheilsu sigur soleiðis um kanningina:

"Við verkætlanini ynskja vit at savna inn vitan um sálarliga og likamliga arbeiðsumhvørvið hjá føroyskum arbeiðstakarum til tess at betra um arbeiðsumhvørvið í Føroyum. Tá kanningin er liðug, fara vit at greina úrslitini eftir t.d. kyni og aldri, fak- og starvsbólkum, vinnugreinum og øki.

Við verkætlanini fara vit at spyrja allar arbeiðstakarar í Føroyum um teirra arbeiðsumhvørvi. Hetta fyri at betra um arbeiðsumhvørvið hjá teimum, sum arbeiða her á landi. Úrslitini verða sostatt til gagns fyri arbeiðstakara, arbeiðsgevara og teir myndugleikar, ið hava ábyrgd fyri og eftirlit við arbeiðsumhvørvinum hjá føroyingum."

Um tú vilt svara spurningunum, so finst kanningin HER