- Tíðindi, mentan og ítróttur
Nón
- Tað er eingin orsøk at gera tað, sum onnur hava gjørt áður.
Nakað soleiðis sigur stilli og sáttligi Tróndur Bogason, sum ongantíð hevur gjørt stóran háva burtur úr sær sjálvum. Tvørturímóti trívist hann best í tí stilla, og júst tí skipar Aldubáran fyri tveimum konsertum, sum skulu lýsa breiddina í hansara tónleiki.
Í hesi samrøðuni við Trónd Bogason tosa vit um hann og hansara tónleik. Og tað gerst skjótt greitt, at júst orginaliteturin er av hansara størstu eyðkennum.
- Eg havi altíð hildið, at tónleikurin hjá Tróndi er filosofiskur, sigur Jón Festirstein úr Aldubáruni. Orðini hjá Jón Festirstein úr Aldubáruni benda beinanvegin á, at Tróndur Bogasyni er heilt egin, tá ið hann skrivar tónleik.
Tróndur Bogason hevur frá ungum árum verið ógvuliga fjøltáttaður. Hann er ringur at seta í bás, og longu tíðliga skrivaði hann tónleik, sum fevndi frá rock-tónleiki til klassiskt. Og alt møguligt harímillum. Nú kalla summi hansara tónleik avantgarde, men samstundis arbeiðir hann saman við okkara bestu nøvnum innan fyri populertónleik.
Vit spyrja Trónd, hvar alt byrjaði, hvussu hann ger tónleik, og hann tosar um ta hugsjón, sum er grundarlagið undir øllum hansara tónleikaliga virksemi.
Hoyr alla samrøðuna við Trónd Bogason her.