- Tíðindi, mentan og ítróttur
Nón
Tey flestu vita um Rasmus Rasmussen. Hann, sum saman við Símuni av Skarði, stovnaði Føroya Fólkaháskúla í 1899. Kanska færri vita, at hann eisini var plantufrøðingur, fakfelagsskrivari, politikari og skald.
Rasmus droymdi um einar øðrvísi Føroyar, sum skuldu búgva føroyingar til fólkaræði. Ein øðrvísi skúla, sum skuldi fara frá at bara snúgva seg um uttanatslæru til at geva føroyingum alment dannilsi.
Guðrun Gaard, sum er abbadóttir Rasmus Rasmussen, hevur skrivað ævisøgu hansara. Bókin byggir nógv á Rasmusar egnu frásagnir í dagbókum, greinum, notatbókum og brøvum.
- Eg havi skrivað bókina, tí eg haldi, at hann er áhugaverdur, og ikki minst tí eg haldi, at hann hevur uppiborið tað, sigur Guðrun Gaard, høvundur.