Jóanes Nielsen hevur skrivað leik um klaksvíksstríðið

07-09-2021

Mikines, Kjølbro og Victor Danielsen hittast í nýskrivaðum leiki eftir Jóanes Nielsen

Jóanes Nielsen hevur skrivað nýggjan leik, Portrettið, ið hevur læknastríðið í Klaksvík sum karm.

Tað forkunnuga er, at Jóanes setir saman persónar, sum helst ongantíð hittust. "Portrettið" er sostatt sostatt ein fiktiv søga, men kortini við veruligum persónum sum høvdu alstóran týdning fyri vinnulív, trúarlív og menningina av føroyskari málningalist miðskeiðis í 20. øld.

Karmurin er, at Mikines skal mála Kjølbro mitt undir klaksvíksstríðnum, og so kemur Victor Danielsen á gátt.

- Eg visti, at Victor Danielsen skuldi hava ein leiklut sum eitt slag av kyrrandi anda og diplomatur, tí tað kundi jú farið báðar vegir norðuri í Klaksvík, sigur Jóanes Nielsen í hesi samrøðuni, har hann greiðir frá leikinum.

Leikurin verður í løtuni settur upp á Tjóðpalli Føroya.

Hoyr alla samrøðuna við Jóanes Nielsen.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022