Mett verður at eini 850 føroyingar hava demens, og nógvar føroyskar familjur verða raktar av sjúkuni hvørt ár.

Í 2013 fekk Birita Mohr staðfest alzheimer. Tað var ein stór sorg og skelkur bæði fyri hana, mannin og børnini. Men familjan og serliga maður Biritu, Egi Dam, hevur gjørt alt fyri at vera um Biritu og at skapa ein so góðan gerandisdag, sum til ber, og tað hevur alt at siga, heldur Búi Dam.

Tá alzheimer rakar, kolleveltir tað bæði relatiónir og uppgávubýtið í familjuni. Men hóast tað er sera hart, hevur sjúkan eisini knýtt familjuna tættari saman, og varpa ljós á, hvat hevur týdning í tilveruni, vísur Búi á.

Búi Dam heldur, at tað er sera týdningarmikið at síggja menniskja handan sjúkuna. "Mamma mín er framvegis Birita Mohr - við sínum jaliga lyndi, og einum ríkum lívið aftanfyri seg. Hon minnist bara ikki líka væl. Tí er tað týdningarmikið at minnast, práta og flenna saman, og liva eitt so vanligt og virkið lív, sum til ber við sjúkuni", sigur hann.

Lurtið eftir samrøðuni við Búa Dam, sum fortelur hansara søgu um, hvussu tað er, tá alzheimer rakar familjuna.