James Bond undansýning við skreyti og skrúð

30-09-2021

Nógv varð gjørt buruturúr, tá undansýning var av nýggjasta James Bond filminum, fyri føroyingar, ið hava arbeitt við filminum.

Reyð langmotta var rulla út, sjampanja var skonkt og fólk høvdu latið seg í stás, tá undansýning var í Havnar Bio av nýggjasta James Bond filminum No time to Die.

Nógvir føroyingar hava arbeitt ella hjálpt til við filminum, og teir vóru millum tey fyrstu í heiminum at síggja nýggja James Bond filmin, tá undansýningin varð. Nærum allir kalsoyingar hava havt onkran leiklut í samband við filmsupptøkurnar, og fleiri kalsoyingar vóru bodnir til undansýningina. So nógvir, at skipað varð fyri einum serligum 007 bussi úr Kalsoynni til Havnar.

Nón var á reyðu langmáttuni og tosaði við Beintu Haraldsen, sum hevur arbeitt sum samskipari av Bond-filmsverkætlanini í Føroyum.

Lurtið eftir samrøðuni við Beintu.

Niðanfyri eru myndir frá undansýningini, sum fotografurin Gwenaël Akira Helmsdal Carré, hevur tikið.

Fotografur: Gwenaël Akira Helmsdal Carré

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022