Jóhan Martin Christiansen: Sig tað við mítt hjarta

07-10-2021

Tell it to my heart er heitið á framsýning hjá Jóhan Martin Christiansen, sum hevur viðrák í løtuni

- Viðurkenning kemur og fer, men eg veri verandi her.

Tað koyrir bara hjá Jóhan Martin Christiansen í løtuni. Í vikuni fær hann handað Talentprísin hjá Carl og Anne Marie Nielsen, hann hevur fingið starvsløn frá Statens Kunstfond fyrr í ár, og hann fekk eitt árs starvsløn frá Mentanargrunninum.

Nú hevur hann framsýning í Steinprenti, har tilfarið hevur stóran týdning eitt nú stál, gips og pappír. Framsýningin kallast Tell it to my heart.

- Tað er eitt vakurt heiti, ikki minst á føroyskum, Sig tað við mítt hjarta. Hetta er eitt 80'ara hitt við Taylor Dayne, og tað leggur seg í eina røð av framsýningum við líknandi heitum, sum eg havi havt. Tað hevur hendan klangin av poppuniversinum, men hevur eisini okkurt stórt og nostalgiskt yvir sær, greiðir Jóhan Martin Christiansen frá.

Jóhan Martin Christiansen er sjálvur føddur í 1987, hann býr í Keypmannahavn, har hann hevur atelier.

Hoyr alla samrøðuna við Jóhan Martin Christiansen, har komið verður inn á listafatan, Janus Kamban, virðislønir og framsýningina.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022