- Um tú ikki vart komin, hevði eg ikki hugsað um tað.

Soleiðis svarar Franz Beckerlee, tá ið hann verður spurdur, hvat hann hugsar um, at tað fara at vera 50 ár liðin, síðan fyrsta Gasolin LP-plátan kom út. Kortini var tað júst hann, sum ynskti, at Gasolin helt fram, tá ið bólkurin gavst í 1978.

- Eg var jú tann einasti, sum ikki vildi gevast við Gasolin. Tað hevði eisini nakað at gera við, at nú vildi Kim Larsen út at gera sítt egna; nú hann tímdi ikki meira, at vit rættaðu hann alla tíðina, sigur Franz Beckerlee, sum heldur, at Gasolin hevði tað besta eftir í sær.

- Eg vildi gjarna spælt eina ella tvær plátur meira. Tí eg hoyrdi tá, at tað var við at henda nakað við tónleikinum; tað hoyrir man á nøkrum venjingarbondum, sum vit enn hava liggjandi onkustaðni.

Fyrsta LP-plátan hjá Gasolin, sum bara bleiv kallað Gas1, kom út tann 21. november 1971. Í hesum sambandi kemur eisini nýggj bók út um Gasolin fyrsta dagin.

Gasolin verður ofta sagdur at vera størsti danski rockbólkurin nakrantíð, og her í Føroyum vóru teir heilt eisini nógv spældir.

Franz Beckerlee gavst sjálvur heilt við tónleikinum í 1990'unum, og síðan tað hevur hann virkað sum listamálari. Tað ger hann enn, sum 79 ára gamal.

Hoyr alla samrøðuna við Franz Beckerlee.